Link açıqlığı

Saatnıñ esas haberi

FSB Qırımğa kirgen vaqıtta Ukraina vatandaşını tutıp alğan – KHV


Rusiyeli KHV iddia etkenine köre, ilhaq etilgen yarımada boyunca Rusiye FSB sıñır idaresiniñ hadimleri Qırımğa kirgen vaqtında Ukraina vatandaşını tutıp alğan ve o, qomşu devlette aranğan şahıslar arasında emiş.

«RİA Krım» haber etkenine köre, 1973 senesi doğğan vatandaş «Canköy» kiriş-çıqış noqtasında tutulıp alınğan.

«Vesiqalar teşkerilgen vaqıtta, Geniçesk –Canköy yönelişinde ketken şahıs 2017 senesi dekabr ayından itibaren, Rusiye Cinayet kodeksiniñ 161 maddesi 2 qısmına binaen (Hırsızlıq) cinayet işlegeni içün, Qırım telikesizlik organları tarafından qıdırılğan şahıs olğanı belli olğan», – dep bildire KHV sıñır idaresiniñ haberini.

Sıñırcılar iddia etkenine köre, tutulıp alınğan şahıs rusiyeli politsiyağa teslim etilgen ve al-azırda apiste bulunmaqta eken.

Ukraina Devlet sıñır hızmeti Qırım memuriy sıñırında tutulıp alınğan şahıslarnı FSB identifikatsiya etip olamağanını defalarca beyan etkenini bildire, çünki Rusiye olarnıñ şahsiy malümatını körip olamay. Ukrainalı sıñırcılar ayrıca, «işğalcilernen bağ tutmağanlarını» iddia eteler.

Qırım Rusiye tarafından ilhaq etilgen soñ, 2014 senesiniñ Ukrainanıñ qıta qısmınen yarımada arasında memuriy, amma aslında kerçek bir «sıñır» peyda oldı. Memuriy sıñırda «Kalançak», «Çaplınka» ve «Çonğar» olaraq üç kiriş-çıqış noqtası çalışıp başladı.

Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, buña «tarihiy adaletniñ tiklenmesi» dey. Ukraina Yuqarı Radası 2014 senesi fevral ayınıñ 20-sini Rusiye tarafından Qırımnıñ muvaqqat işğaliniñ resmiy başlanğıç künü dep qabul etti.

XS
SM
MD
LG