Link açıqlığı

Saatnıñ esas haberi

Ramazanov Rusiye prezidentiniñ saylavı kününe qadar apishanede qalacaq (video)


Ramazanov Rusiye prezidentiniñ saylavı kününe qadar apishanede qalacaq (video)
Bekleñiz, lütfen

No media source currently available

0:00 0:01:48 0:00

Kremlniñ kontroli altında bulunğan Aqmescit rayon mahkemesi Zello internet-ratsiyası vastasınen ekstremistik fikirlerniñ tarqatılmasında qabaatlanğan İsmail Ramazanovnıñ tevqif müddetini uzattı. Tevqif müddeti bir ayğa, martnıñ 18-ne qadar uzatıldı. Qabaatlav tarafı, qolunda Ukarina pasportı bulunğanı içün Ramazanovda yarımada territoriyasından qaçmaq imkânı bar, dep bu talapqa qol tuttı. «Ramazanovnıñ işi» boyunca tahqiqat devam ete. Qabaatlav tarafı, FSB ekspertizası tarafından zıddiyet ve nefret doğurğanlar olaraq tanılğan Zello internet-radiosındaki bildirüvlerge Ramazanovnıñ alâqasını tapmağa tırışa. Bugün işniñ materiallarına provayderden istenilip alınğan, Zelloda laf etken şahıs internetke çıqqanda qullanğan telefon nomerası ve IP-adresiniñ tayin etilmesi aqqında cevap ilâve etildi. Yanvarniñ 23-nde Novıy Mirde Rusiye telükesizlik hadimleri, qırımtatar İsmail Ramazanovğa ekstremizmniñ propagandasında qabaatlavnı bildirip, evini tinttiler.

XS
SM
MD
LG