Rusiyeli akimiye halqara normalarğa saypısız davranıp, Kremlniñ tecavuzcı siyasetinen razı olmağanlarnı boysundıraraq özüne tabi etmege areket ete. Bu aqta Ukraina tış işleri nazirliginiñ Rusiyeniñ Ulrainağa qarşı silâlı tecavuzı başlağanınıñ yıllığı munasebetinen yapqan beyanatında söz yürsetile.
«Rusiyeli işğalci akimiyet işğal etilgen territoriyalarda insan aq-uquqlarını ciddiy bir şekilde boza, Kremlniñ tecavuzcı siyasetinen razı olmağanlarnı boysundıraraq, özüne tabi etmege areket ete, bunen bağlı BMT Halqara Mahkemesi qararını nazar-itibarğa almay, ayrıca Donetsk ve Lugansk vilâyetleriniñ ayrı bölgelerinde böyle bir areketler içün öz qoqlalarını hususan özü teşkil ete ve rağbetlendire», – denilmekte haberde.
Ukraina tış siyaset müessisesi ayrıvca, halqara cemaatçılıq Rusiyeniñ bu aqsız areketlerini yaramay dep tanığanını qayd etti.
Nazirlik qayd etkenine köre, Ukraina öz partnörlarına onıñ suvereniteti ve topraq bütünligi imaye etüv ve halqara derecede tanılğan sıñırlar çerçivesinde ğayrıdan tiklenüvinen bağlı açıq pozitsiyası için minnetdarlıq bildire.
Ukraina MİDi öz partnörlarından, Qırım ve ukrain Donbassınıñ işğalini bitirmesi ve bergen zararını bütünley tazmin etmesi içün Rusiyege tesir etmek maqsadınen bütün imkânlarını qullanmağa rica ete.
Qırım ilhaqından soñ yarımadada rusiyeli akimiyet mustaqil jurnalistler, cemaat ve qırımtatar Milliy areketiniñ faalleri, Milliy Meclis azaları ve «Hizb ut-Tahrir» ile alâqaları olğanında şeklengen musulmanlarnıñ evlerinde sıq-sıq tintüvler keçirilmege başladı.
Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, buña «tarihiy adaletniñ tiklenmesi» dey. Ukraina Yuqarı Radası 2014 senesi fevral ayınıñ 20-sini Rusiye tarafından Qırımnıñ muvaqqat işğaliniñ resmiy başlanğıç künü dep qabul etti.
