Link açıqlığı

Saatnıñ esas haberi

Poroşenko: Ukraina AB azası olmaq perspektivasını 2021 senesinde elde etecek


Ukraina prezidenti Petro Poroşenko, 2021 senesinde ülke Avropa Birliginde azalıq perspektivasını alacağına eminligini ifade ete.

Yanvarniñ 26-sında Davostaki iqtisadiy forumnıñ çerçivesinde yapqan çıqışından soñ Poroşenko: «Men bütünley eminim ki, Avropa skeptikleriniñ populizminden soñ er şey yahşı olacaq. 2021 yılında deñişecek tek şey – Ukrainanıñ Poloniya ve Litva yardımınen Avropa Birliginde azalıq perspektivasınıñ elde etmesidir», – dedi.

Keçken ayda Poroşenko «yaqın kelecekte» Ukrainanıñ NATO ve Avropa Birliginde azalığı aqqında referendumlar yapılacağını bildirdi.

2017 senesi iyünniñ 11-nde Ukraina vatandaşları içün AB ve «şengen» devletlerine qısqa muddetke barğanda (işke kirmek aqqı berilmeden er 180 kün içinde 90 künge qadar) viza liberalizatsiyası quvet aldı.

2017 senesi sentâbrniñ 1-nde Assotsiatsiya aqqında añlaşma quvet aldı. Bu adım Ukraina ile Avropa Birligi arasında alâqalarnı pekite ve mezkür vesiqa etrafındaki siyasiy adımlar ceryanını yekünley. Añlaşmanıñ bir çoq normaları 2014 senesinden başlap artıq tatbiq etildi, lâkin onıñ tolusınen quvet alması, Brüssel ile Kyiv arasında tış siyaseti, ticaret, adalet, tasil, ilim, tehnologiyalar ve diger beñzer saalarda daa sıq emekdaşlıqnı temin ete.

XS
SM
MD
LG