2012 senesinde derc etilgen fotosuret içün tevqif (video

Mahkeme, Canköyde yapılğan tintüvden soñ yaqalanğan Qırım musulmanı Enver Kuroşnı 10 künge tevqif etti. Bunı yanvarniñ 25-nde qırımtatar faaliyetçileri Facebookta bildireler. Onı Rusiye kodeksiniñ 20.3 maddesi 1-nci qısmı (ekstrimistik teşkilâtlarnıñ atributları ya da simvolikasını propaganda etüv ya da açıq olaraq numayiş etüv) boyunca memuriy uquq buzuvında qabaatlaylar. Qırımnıñ ilhaqından soñ Rusiye akimiyeti mustaqil jurnalistler, cemiyet faaliyetçileri, Qırımtatar milliy areketiniñ faaliyetçileri, Qırımtatar Milliy Meclisiniñ azaları ve Rusiyede yasaq etilgen «Hizb ut-Tahrir» teşkilâtı ile alâqalı olğanından şübheli tanılğan Qırım musulmanlarınıñ evlerinde muntazam surette kütleviy tintüvler yapa.