Link açıqlığı

Saatnıñ esas haberi

Ukraina Tışqı işler naziri Pavlo Klimkin beyan etti ki, ukrain reineleriniñ ve Rusiyede tutılğan ukrainlilerniñ yiberilmesine, ve Donbassta BMT barıştırıcı missiyasınıñ yerleşmesine dair Kyivniñ ve Moskvanıñ fikirleri «pek farqlana». Yanvarniñ 15-nde Klimkinniñ Twitterde yazğanına köre, o bu mevzuda Rusiye MİD yolbaşçısı Sergey Lavrov ile qonuşqan.

«Yançıq Lavrov ile qonuştım. Reinelerimizniñ ve siyasiy mabuslarımıznıñ azat etilmesini, ve işğal etilgen Donbassta BMT barıştırıcı missiyasını yerleştirmek imkânını muzakere ettik. Fikirlerimiz pek farqlana, amma işni devam etmelimiz. Bunen beraber KKMM aqqında qonuştıq ve onıñ yekün matbuat konferentsiyasını da diqqatqa aldıq», – dep yazdo Klimkin.

İnsan aqları mevzusında Yuqarı Rada vekâletlisi Valeriya Lutkovska, ukrain tarafı yanvarniñ 18-nde Rusiye tarafından desteklengen cenkâverlernen reine cedvellerini deñişmege niyetli, dep bildirgen edi. O qayd etti ki, deñişüv içün Kyiv eñ azından 20 adamnı rica etecek, olar ukrain akimiyetiniñ nezaretinde olmağan territoriyada tutıla.

2017 senesi dekabrniñ 27-nde Donbassta, ukrain tarafı ve Rusiyeden destek alğan cenkâverler, esirlerini deñişken ediler. Bu böyle şekilde yapılğan edi: «74-ke (deñişüv içün Ukrain cedveline alınğan asker ve vatandaş – QA) 306 (Rusiyeniñ destegini alğan cenkâverlerniñ talap etkenleri – QA)». Ukrainağa dekabrniñ 27-nde 74 adam teslim etilgen edi, ama olardan biri ukrain nezaretinden çıqarılğan topraqlarda qalmağa qarar alğan. Kyiv cenkçilerge 233 adamnı teslim etti.

Rusiye, Donbassta Birleşken Milletler Teşkilâtınıñ quvetlerini yerleştirmek teklifini BMT Telükesizlik Şurasına bildirgen edi. Rusiye, bu quvetlerniñ ancaq cebe şeridinde, OSCE nezaretçileri olğan yerde, qalmasını istey.

Ukraina ve onıñ ğarbiy ittifaqdaşları böyle sıñırlavnen razı olmadı, ve bu quvetlerniñ bütün işğan etilgen mıntaqada, şu cümleden şimdi nezaret etilmegen rus-ukrain sıñırınıñ qısımında yerleşmek kerek olğanında israr ete.

XS
SM
MD
LG