Aqyarda S-400 «Triumf» zenit raketa kompleksleri arbiy nevbetke turdılar (video)

Yanvarniñ 13-nde ekinci S-400 «Triumf» ZRK divizion kompleksi Aqyardaki Fiolent burnunda «arbiy nevbetke turdı». Bir yıl evel Rusiye ilhaq etilgen yarımadanıñ territoriyasında S-400 komplekslerini endi yerleştirgen edi – olar Feodosiya yanına ketirilgen ediler. Daa evel Kremlde, Qırımda S-400 zenit raketa sistemleri «Rusiye-Ukraina sıñırında provakatsiyalar»nıñ ögüni almaq içün yerleştirildi, dep añlattılar. Kyivde Qırımnıñ ilhaqından soñ anda Rusiye tarafından arbiy mevcüdiyetiniñ arttırılmasına defalarca tecavuziy areket dediler. Ğarp devletleri de, Rusiye tarafından yarımadada arbiy talimlerniñ ötkerilmesi munasebeti ile raatsız olğanlarını bildirdiler. Rusiye, onıñ daa evelki S-300PM kompleksiniñ modifikatsiyası olğan S-400 zenit raketa kompleksiniñ atış menzili 400 kilometr olğanını ve o, bir kereden 80-ge yaqın nişannı közete bilgenini iddia ete. Rusiye Suriyeniñ ğarbında böyle sistemni daa 2015 senesiniñ soñunda Türkiye-Suriye sıñırında Türkiye uçağı Rusiye uçağını urıp yıqqan soñ yerleştirdi.