Link açıqlığı

Saatnıñ esas haberi

Halqara konferentsiya, Qırımda çalışqan Rusiye arheologlarını sanktsiyalar cedveline kirsetmege davet etti


Kyivde dekabrniñ 27-sinde keçken «Qırım 2014-2017: İlhaq etilgen medeniyet» Halqara konferentsiyası özüniñ qararlarında Ukraina prezidenti Petro Poroşenkonı, Ukrainanıñ Milliy telükesizlik ve mudafaa şurasına (MTMŞ), ilhaq etilgen Qırımda qazuvlar yapqan bütün Rusiye arheologlarını sanktsiyalar cedveline kirsetmekni avale etmege davet etti.

Bu hususta, yanvarniñ 3-nde Ukraina Medeniyet nazirliginiñ saytında derc etilgen konferentsiya qararlarınıñ metninde aytıla.

Ondan ğayrı, konferentsiya iştirakçileri Poroşenkonı MTMŞge «sanktsiyalar cedveline Qırımdan ayrı muzey eşyaları ya da kollektsiyalarnı çıqarğan ve Qırımnıñ tışında sergilegen RFniñ bütün muzey muessiselerini sanktsiyalar cedveline kirsetmek ve munasip halqara sanktsiyalar cedvellerine kirsetilmeleri içün areketler yapmaqnı» avale etmege davet ettiler.

2017 senesiniñ iyülinde QMC Prokuraturası, ilhaq etilgen Qırımnıñ territoriyasında kazuvlar yapqan Rusiye alimlerine qarşı cinaiy işler açqanını bildirdi.

Daa evel Ukraina Medeniyet nazirliginde, ilhaq etilgen Qırım territoriyasında Rusiye arheologları tarafından devam etilgen qazuvlarğa qarşı adımlar yapmaq ricasınen bir sıra halqara teşkilâtlarğa muracaat etmek planları olğanını bildirdiler.

XS
SM
MD
LG