Link açıqlığı

Saatnıñ esas haberi

Qırım MC prokuraturası: Rusiye Qırımdaki arheologiya ve medeniyet yadikârlıqlarını aselet yoq ete


Qırım Muhtar Cumhuriyetiniñ prokuraturası ilhaq etilgen Qırımda tarihiy ya da medeniy yadikârlıqlarnı qıdıruv, arheologik işlerni qanunsız alıp baruv, aselet yoq etüv ya da yıquvnen bağlı cinaiy iş açılmasınıñ yürsetilüvinde reberlik yapa.

Bu aqta yanvarniñ 2-nde nezaret muessisesiniñ matbuat hızmeti bildirmekte.

Haber etilgenine köre, söz Ukraina Cinayet kodeksiniñ 298 maddeniñ 1-nci qısmındaki (vatandaşnıñ bergilendirilmegen yüz minimal keliriniñ miqdarı qadar cöreme ya da üç yılğa azatlıqtan marum etilüvi közde tutula) cinayet alâmetleri, 394 maddeniñ(altı aylıq apis cezası ya üç yılğa azatlıqtan marum etilüv ye da apis cezası) aqqında kete.

Prokuraturada qayd etilgenine köre, mahkemeden evel ötkerilgen taqiqat devamında delillerni belgilemek ve arheologik miras saasında milliy qanunlarnı bozğan şahıslarnı tayinlev boyunca tedbirler alınmaqta. Söz, 2014-2017 seneleri zarfında Rusiye medeniyet nazirliginiñ yarımadadaki arheologik obyektlerniñ meydanğa çıqarılıp ögrenilüvi içün bergen izinleri aqqında kete. 2017 senesi saqlanmaq kerek olğan 7500 dane arheologik eser tapılğan, dep qayd ete prokuratura.

Hususan, Keriç etrafında yerleşken Qızavul mezarlığında bizim milâtnıñ 2 asırına ait qabirlerniñ qanunsız qazılğanı, qum alınuvı esnasında antik Artezian şeerinde arheologik obyektlerniñ yoq etilüvi, Ukraina Muzey fondı eserleriniñ Moskvadaki «Pantikopey ve Fanagoriya. Bospor çarlığınıñ eki paytahtı» sergisine alınıp ketilüvi, milliy emiyetke saip olğan «Qarılğaç yuvası» mimariy abidesi yerleşken qaya üstünde qanunsız işlernñ alınıp barıluvı, Sudaqtaki Ceneviz qalesi territoriyasında ve milliy emiyeti saip olğan «Hansaray»da qanunsız arheologik işlerniñ keçirilüvi aqqında haber etile.

Mahkemeden evel yapılğan taqiqatnı Qırım Muhtar Cumhuriyeti ve Aqyar Milliy politsiyası Baş idaresiniñ taqiqat bölügi keçirmekte, dep qayd ete prokuratura.

Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, buña «tarihiy adaletniñ tiklenmesi» dey.Ukraina Yuqarı Radası 2014 senesi fevral ayınıñ 20-sini Rusiye tarafından Qırımnıñ muvaqqat işğaliniñ resmiy başlanğıç künü olaraq qabul etti.

XS
SM
MD
LG