Dekabrniñ 26, salı künü, Aqmescitte Rusiye küç idaresiniñ hadimleri Darvina ve Hayri Emir-Zade soqaqlarında tintüv keçirte.
Bu aqta Facebookta advokat Edem Semedlâyev haber etmekte. Ayrıca bu malümatnı «Qırım birdemligi» cemaat teşkilâtı da tasdıqlamaqta.
«Aqmescitniñ Darvina ve Hayri Emir-Zade soqaqlarında tintüv keçirilmekte», – denilmekte haberde.
Qırım.Aqiqat olıp keçkenlerniñ inceliklerini bilmege tırışa.
Rusiye küç idaresi hadimleriniñ bu hususnen bağlı daa bir izaatı yoq.
Rusiye işğalinden soñ, Qırımda mustaqil jurnalistler, cemaat ve qırımtatar milliy areketiniñ faalleri, qırımtatar Milliy Meclisiniñ azaları ve Rusiyede yasaqlanğan «Hizb ut-Tahrir» ile alâqaları olğanında şeklengen musulmanlarnıñ evlerinde sıq-sıq tintüvler keçirilmege başladı.
