Link açıqlığı

SSCBniñ dağılğanına yazıqsınğan rusiyelilerniñ payı, 2009 senesinden soñ eñ yüksek raqamğa irişip, 58 faizni teşkil etti. Bunı Rusiyedeki «Levada-tsentr»niñ soravı köstere.

Neticelerge köre, soralğanlarnıñ çerigi SSCBniñ dağılğanına yazıqsınmay, rusiyelilerniñ 16 faizi sualge cevap beralmadı.

SSCBniñ dağılğanına yazıqsınğanlar arasında 54 faizinde «umumiy iqtisadiy sistemanıñ yoq etilgenine», daa o qadar kişide «qarşılıqlı işançsızlıq, sertlik artqanına» yürekleri yana. Soralğanlarnıñ 25 faizi «er yerde evde kibi olğanıñnıñ duğusı»nı ğayıp etkenlerine teessüf eteler.

Soravnıñ köstergenine köre, Rusiye sakinleriniñ yarısı, Sovet Birliginiñ dağılmasından qaçınmaq mümkün edi, dep saya. Soralğanlarnıñ 29 faizi onıñ qaçınılmaz olğanından emin.

«Levada-tsentr»niñ bıltırki soravına köre, rusiyelilerniñ yarısından ziyadesi SSCBniñ dağılğanına yazıqsına edi. Faqat soralğanlarnıñ yalıñız 12 faizi Sovetler Birliginiñ eski şekilde ğayrıdan qurulmasını istedi.

XS
SM
MD
LG