Link açıqlığı

Saatnıñ esas haberi

Klimkin: Rusiye Qırımda nükleer silânı yerleştirmek içün territoriyanı kenişlete


Ukraina tış işleri naziri Pavlo Klimkin Nyü-Yorkta «nükleer silâğa saip olğan devlet tarafından Ukraina territoriyasını işğal etmege devam etüv, amelde nükleer silânıñ yerleştirilmesi bölgesiniñ coğrafiya ceetinden kenişletilmesine ketirdi», dep söyledi.

Ukraina tış işleri muessiseniñ matbuat hizmeti, bunı Ukraina Tış işleri nazirliginiñ (TİN) rehberi dekabrniñ 15-nde Nyü-Yorkta BMT Telükesizlik şurasınıñ meclisinde Şimaliy Koreya nükleer programı boyunca çıqış yapqanda söyledi, dep bildire.

Klimkin, Qırımnıñ qanunsız ilhaqı ve Donbassta devam etken Rusiyeniñ tecavuzı neticesinde Aqyardaki ilmiy-teşkerüv nükleer reaktorı, eki nükleer anbar ve 1200-den ziyade radionüklid menbaları Ukraina tarafından munasip şekilde kontrol etilmeyler, dedi.

O, Ukrainanıñ 1968 senesi iyul 1 tarihlı Nükleer silânıñ darqatılmaması aqqında añlaşmağa qoşulğanı munasebeti ile telükesilik garantiyaları boyunca Budapeşt memorandumınıñ imzalanmasından 23 yıl keçkenini hatırlattı.

Ukraina TİNniñ yolbaşçısı, Ukrainanıñ göñülli olaraq nükleer arsenalından vazgeçkenine qarşı nükleer silâğa saip devletler Ukrainanıñ mustaqilligi ve mevcut olğan sıñırlarını ürmet eteceklerini vade etti, lâkin bu vade «Rusiye tarafından haince bozuldı», dep qayd etti.

Ukraina TİNniñ rehberi: «Dünyanıñ qanunsızlıq vaziyetine taymasını istemesek, biz halqara qanunlarına ürmet kösterilmesini temin etmek içün birlikte olmaq kerekmiz. Biz onıñ bozulmasına qarşı mesüliyetni temin etmek içün birlikte olmaq kerekmiz», – dep ilâve etti.

Halqara teşkilâtları Qırımnıñ işğali ve ilhaqını qanunsız tanıp, Rusiyeniñ areketlerini taqbih ettiler. Ğarp ülkeleri bir sıra iqtisadiy sanktsiyalar qullandı. Rusiye, yarımadanı işğal etkenini red etip, oña «tarihiy adaletniñ tiklenmesi», dey.Ukrainanıñ Yuqarı Radası 2014 senesi fevralniñ 20-sini, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.

XS
SM
MD
LG