Link açıqlığı

Saatnıñ esas haberi

Ukrainanıñ Küçük ilimler akademiyası «Qırımtatar humanitar ilimler» sektsiyasını açtı


2017 senesiniñ dekabr ayında Ukrainanıñ Küçük ilimler akademiyası esasında «Qırımtatar hümanitar ilimler» sektsiyası açıldı. Teşebbüsçiler bildirgeni kibi, sektsiyada umumiy tasil mekteplerinde oquğan talebelerniñ iştirak etilmesi közde tutula.

Bildirüvde: «Qırımtatar hümanitar ilimleri – qırımtatarlarnıñ dünyabaqışında ahlâqiyat ve maneviyatnıñ vazife körmesi ile nkişaf etmesi qanunlarını ögrengen, medeniy-tarihiy ceryanlar neticesinde deñişmekte olğan hümanitar ilimler kompleksidir», – denile.

Ukrainanıñ tışında bulunğan Küçük ilimler akademiya azası oquyıcılarınıñ ilmiy tetqiqatları online-rejiminde qorçalanacaq, dep qayd etile.

Daa evel, Ukrainanıñ qıtadaki qısmında çalışqan Tavriya milliy universiteti (TMU) terkibinde bulunğan Filologiya ve jurnalistika institutınıñ, talabeler yetmegeni sebebinden Şarq filologiyası kafedrası ile Qırımtatar bölügini qapatmağa mecbur olğanı bildirilgen edi.

Ukrainanıñ qıtadaki qısmında TMUdan ğayrı qırımtatar tili ve edebiyatı Taras Şevçenko adına Kyiv milliy universitetinde ögrenile.

XS
SM
MD
LG