Link açıqlığı

KHV: Türkiyede Rusiye elçisiniñ öldürilüvinde şeklengen daa bir şübeli şahıs tutuldı


Ankarada keçken fotoresim sergisinde öldürilgen Rusiyeniñ Türkiyedeki elçisi Andrey karlov, arhivden alınğan fotoresim

Türkiyede Rusiye elçisi Andrey Karlov öldürilüvinde şeklengen daa bir şübeli şahıs apiske alındı. Bu aqta Türkiye KHV esaslanğan Azatlıq Radiosı haber etmekte.

Olarnıñ malümatına köre, Ankara prokuraturası Türkiyeniñ sabıq politsiya hadimi Ramazan Yücelni öldürilüvge azırlıq körülmesine alâqası bar olğanında qabaatlamaqta.

Türkiyedeki Rusiye elçisi Andrey Karlov 2016 senesi dekabr ayında öldürilgen edi. Diplomatqa o künü çalışmay dep sayılğan polis hadimi Mevlüt Altıntaş ateş açqan edi.

Ateş açqan şahıs o yerde atıp öldürilgen edi. Qatillikke alâqası bar dep şeklengenlerden dört kişi, şu cumleden eki politsiya hadimi yaqalanğan edi.

XS
SM
MD
LG