Ukraina Yuqarı Radasında qırımtatar halqı Birinci Qurultayınıñ 100-yıllığına bağışlanğan tantanalı oturışuv keçire.
Toplaşuv saat 15:00te (Qırımda saat 16:00) başlanacaq edi, dep bilidre Yuqarı Radanıñ matbuat hızmeti.
«Tedbirde belli siyasiy erbaplar, ukrain ve çetel diplomatik korpusı, qırımtatar çetel diasporası, ilmiy muessise ve cemaat birleşmeleriniñ temsilcileri iştirak etecek», – denilmekte haberde.
Daa evel Ukraina informatsion siyaset nazirligi ealige Qurultay ne olğanı ve qırımtatar milliy areketi içün onıñ tarihiy emiyeti aqqında ikâye etmek maqsadınen media kampaniyası başlatqan edi.
Qırımtatar halqınıñ Qurultayı -bir milliy qurultay olaraq, qırımtatar halqınıñ yüksek temsiliy organı sayıılmaqta.
1917 senesi dekabr ayında qırımtatar halqınıñ Qurultayı mavı tüstesi milliy bayrağını, Qırım hanlarınıñ taraqlı altın tamğa şeklindeki tuğrası ve milliy gimnini tasdıqlağan edi.
