Link açıqlığı

Saatnıñ esas haberi

Ukraina Milliy bankı noyabrniñ 22-nde qırımtatar halqı Qurultayınıñ 100-yıllığına bağışlanğan paranı tanıta


Qırımtatar halqı birinci Qurultayınıñ 100-yıllığına bağışlanğan hatıra parası
Qırımtatar halqı birinci Qurultayınıñ 100-yıllığına bağışlanğan hatıra parası

Ukraina Milliy bankınıñ muzeyinde qırımtatar halqı birinci Qurultayınıñ 100-yıllığına bağışlanıp çıqarılğan hatıra parasınıñ tanıtuvı ötkerile. Bu aqta Ukraina Milliy bankınıñ matbuat hızmeti bildirilmekte.

«Hatıra parası qırımtatar halqınıñ tarihındaki muim bir vaqiağa yani – 1917 senesi noyabr ayında ötkerilgen birinci milliy Qurultayğa bağışlanmaqta», – denilmekte haberde.

Paranıñ yüzünde Ukrainanıñ ufaq tuğrası, üzerinde qırımtatar halqı gimninden alınğan: «Ant etkenmen, söz bergenmen, millet içün ölmege..» sözleri yazılğan mavı tüsteki Qırım haritası yerleştirilgen. Altında qırımtatarlarınıñ tamğası tasvirlengen.

Paranıñ ters yüzündeki caminiñ arqa tarafında qırımtatar milliy Qurultayınıñ azaları tasvirlengen, daire boylap ukraince ve qırımtatarca: qırımtatar halqı birinci Qurultayı, 100 yıl, dep yazılğan.

Qırımtatar halqınıñ Qurultayı mavı tüstesi milliy bayrağı, Qırım hanlarınıñ taraqlı altın tamğa şeklindeki tuğrası ve milliy gimnini tasdıqlağa edi.

XS
SM
MD
LG