Link açıqlığı

Saatnıñ esas haberi

Vitaliy Portnikov: qanunsızlıq meydanı ve BMT (OON)


Qırımda keçken tintüv. Nümünelik fotoresim
Qırımda keçken tintüv. Nümünelik fotoresim

Qırım.Aqiqat içün mahsus

BMT (OON) Baş Assambleyasınıñ komitetinde Qırımnıñ ictimaiy, insaniy yardım ve medeniy meselelernen bağlı yapılğan rey berüv – menimce, Ukraina kerçekten de öz topraq bütünligini tiklemege ve yarımada meselesiniñ çezilmesini istegen taqdirde saylâması kerek olğan yollarından biridir.

Qırım – yalınız ilhaq etilgen bir territoriya degil. O – işğal etilgen territoriya. Onıñ içüni halqara cemaatçılıqqa, Qırım ilhaq etilgen soñ, Rusiye Federatsiyasınıñ «sıradan» bir subyekti olıp qalmağanını hatırlatılmaq muimdir, dep tüşünem.

Qırım – qanuniyleştirilgen qanunsızlıq territoriyası. Bütün dünya bundan haberdar olmalı

​Yoq, Qırımda körünişke köre, Rusiyeniñ bu topraqlarğa küçsüz bir koloniya olaraq yanaşmasınıñ bir aksi olğan pek hususiy bir uquq rejimi bar. Qırımda Rusiyege nisbeten qatiyen farqlı bir adalet bar ve onıñ kerçek akimiyetiyarımadanıñ sakinlerinen bağlı olaraq, "sıradan" bir region akimiyetiniñhayal etebileceginden de ziyade izin berilgen kibi körüne.

Rusiye hususiy hızmet hadimleri de Qırımda özlerini Rusiye qanunınen iç alâqası olmağan şekilde tuta. Körgenime köre Qırım – qanuniyleştirilgen qanunsızlıq territoriyası. Bütün dünya bundan haberdar olmalı.

Digeri muim bir faktor daa - Rusiye akimiyetiniñ işğal altında bulunğan topraqlardaki ealini yalıñız siyasyi yönelişte degil de, aynı zamanda etnik tamırğa köre sınıflandıraraq ayırmağa azır olmasıdır.

Rezolütsiya Qırım ealisine yarımada tek vaqtınca Moskvanıñ nezareti altında bulunğanını hatırlatmaq kerek

​Añlaşılğanına köre, qırımtatar ve ukrain faalleri eñ uquqsız alda qalğan ola. Bu manada Rusiyeniñ işğalci rejimi, Ekinci dünya cenki sırasında Qırımda natsist ve Stalin rejimleriniñ yanaşuvlarını kendi şekline oşatmaqta tırışa yani bölünme aynı kriteriyalarğa köre yapıla: Qırım çufutları olğan qırımçaqlar - Holokosttan, qırımtatarları ve yarımadanıñ diğer yerli halq temsilcileri -sürgünden qurtulamadı.

BMT (OON) rezolütsiyası aslında, işte bu kederli faktnı tanığan olıp çıqa. Ve Rusiye parlamentinen prezidentiniñ ilhaqnen bağlı Anayasağa ters kelgen qararları Qırım meselesini «qapatmağanı» aqqında hatırlata.

Rezolütsiyanıñ Qırım sakinleri içün de muim manası bar. O - Qırım ealisine yarımada tek vaqtınca Moskvanıñ nezareti altında bulunğanını hatırlatmaq kerek. Bazıları için bu – tez vaqıtta azatlıqqa qavuşma ümidi ve Qırımdan işğalci ordusınen ücretli askerleriniñ quvulması.

Bu birisiniñ işğalci akimiyetine daa ziyade hizmet etme istegini söndürir - bu zaten basqınıñ nizamlayıcı çarqınıñ toqtatılması için muimdir veQırımda işğalci rejimi ortadan temizlengence, Ukraina yarımadasınıñ sakinlerine eñ azından biraz qanuniy yardım berilmesini temin eter.

«Fikir» rubrikasında bildirilgen fikir-tüşünceler müelliflerniñ noqtaiy nazarını aks ettirip, muarririyetniñ baqışlarınen bir olmaması mümkün

XS
SM
MD
LG