Link açıqlığı

Saatnıñ esas haberi

Qırımtatar milliy areketiniñ lideri Mustafa Cemilev bildirgenine köre, qırımtatar halqı Milliy Meclisiniñ degerlendirmesine binaen, Qırımnı terk etken 50 biñ ziyade insan içinden 20 biñi – qırımtatarıdır.

Bu aqta o noyabrniñ 14-nde «Amerika sesi»ne bergen izaatında söz yürsetti.

«Biz daima semetdeşlerimizge muracaat etip, vatanını terk etmemeleri aqqında aytamız. Bizler sürgünden soñ, yarım asır boyunca vatanğa qaytmaq içün küreştik, şimdi ise qolaylıqnen onı terk etmek?... Bizler insanlarğa: «Ne içün vatannı terk etesiñiz»i degendei olar: «Yarın menim evlâdım öldürilmeycegi ya da hırsızlanmaycağına sizler garantiya berip olamaysız da?»- deyler, dep ikâye ete Cemilev.

2014 senesi mart ayında Rusiye Qırımnı ilhaq etken soñ, bir çoq insan yarımadadan esas Ukrainağa ketip başladı.

2017 senesi noyabrniñ 13-ne qadar Donbass ve Qırımdan esas Ukrainada 1 504 015 köçken insan ya da 1 225 114 aile qayd etildi.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, onı «tarihiy adaletniñ tiklenmesi» dep adlandıra.

XS
SM
MD
LG