Qırım Muhtar Cumhuriyeti Prokuraturası bildirgeni kibi o, Qırım Rusiye tarafından ilhaq etilgen soñ anda insannıñ tuvğan tilinde tasil almaq ve oqumaq aqqınıñ bozuluvı vaqialarını sıq-sıq qayd ete.
Bu hususta muessiseniñ Ukrain yazısı ve tili kününe bağışlanğan beyanatında bildirile.
Bildirüvde: «Qırım yarımadasınıñ Rusiye tarafından muvaqqat işğalinden soñ Qırım Muhtar Cumhuriyeti Prokuraturası anda insannıñ tasil almaq ve şu cümleden tuvğan tilinde oqumaq aqqınıñ bozuluvı vaqialarını sıq-sıq qayd ete», – denile.
Rusiye tarafından şimdilik bu bildirüv boyunca iç bir izaat berilmedi.
Ukrainada noyabrniñ 9-nda Ukrain yazısı ve tili künü qayd etile.
BMT Halqara mahkemesi 2017 senesi aprelniñ 19-nda ilhaq etilgen Qırımnıñ sakinlerini qorçalamaq içün «Ukraina Rusiyege qarşı» mahkeme davası boyunca muvaqqat tedbirlerniñ alınmasına razılıq berdi. Mahkeme, ukrainlerniñ aqlarına haraplayıcı zararlar ketirilgeniniñ delilleri olğanına dair qarar berdi.
Mahkeme Rusiyeden qırımtatarlarnıñ aqlarına riayet etmesini, Qırımtatar Milliy Meclisiniñ faaliyetinden sıñırlanmalarnıñ alıp taşlamasını, ilhaq etilgen Qırımnıñ sakinlerine ukrain tilinde tasil almaq imkânınıñ bermesini talap etti.
