(2017 senesi sentâbrniñ 12-nde, Qırımda maküm etilgen qırımtatar milliy areketiniñ liderlerinden biri olğan Ahtem Çiygoznıñ Kyivde oña qol tutmaq içün teşkil etilgen miting iştirakçilerine azırlağan muracaatı)
Sentâbrniñ 11-nde çıqarılğan ükümni diñledim. Halqımnıñ küçü, cesareti, azimkârlığı ögündeki mahkemecilerniñ telâfuz etken er bir sözü ve areketi artında yalan, iftira ve eñ muimi ne qadar qorqu bar.
Olar añlamağan ve olarğa has olmağan aqiqiy vatanperverlik olarnı pek qozğata ve qorquza. Olar içün yalıñız özüniñ halqına qabul ettirilgen çürük milletçi-şovinizm siñdirilgen yalancı vatanperverlik artına saqlanmaqnı da ziyade uyğun köreler.
Bizim ürüyet aqqımız, munasip ömür ve Vatanğa olğan sevgimiz, rusiyeli akimiyet içün telüke teşkil etmekte
Er bir qırımtatarı, er bir ukrainalı bizim üriyet aqqımız, munasip ömür ve Vatanğa olğan sevgimiz, rusiyeli akimiyet içün telüke teşkil etkenini añlamaq kerek.
Üküm işbirlikçilerniñ ümütsizliginen bütün açuvını qaplap alğan. Lâkin olar pek erte quvanıp başladılar.
Olar yalan ve alçaqlıqnı esas qıymet sıfatına yükseltip olamazlar.
Olar halq arasında iç bir vaqıt itibar qazanamazlar.
Ahtem Çiygoz, qırımtatar milliy areketiniñ liderlerinden biri, siyasiy mabüs
«Bloglar» rubrikasında bildirilgen fikir-tüşünceler müelliflerniñ noqtaiy nazarını aks ettirip, muarririyetniñ baqışlarınen bir olmaması mümkün.