Link açıqlığı

Saatnıñ esas haberi

Smedlâyev: Rusiye akimiyeti Ahtem Çiygoz ve qırımtatarlardan qorqa


Kremlge tabi olğan işğal etilgen Qırımnıñ akimiyeti Ahtem Çiygoznıñ metinliginden ve tarafdarlarınıñ qararlığından qorqa, dep tüşüne Qırımtatar Milliy Qurultayı Merkeziy saylav komissiyasınıñ reisi Zair Smedlâyev. Bunı o sentâbrniñ 12-de Qırım.Aqiqat Radiosınıñ yayınında ayttı.

«Küç idareleri üküm çıqarılmasına kelecek insanlarnı qorquzğan edi, tutulacağı aqqında tenbiyelegen edi, naqliyat yollarını bile blok etken ediler. Bu on daqqa içün mahkeme ögünde silâlı insanlar çoq edi – OMON, politsiya hadimleri, maden qıdırıcıları. Bu areketler akimiyet Ahtem Çiygoz ve qırımtatarlardan qorqqanını köstere. Üküm videokonferentsiya rejiminde seslendirildi. Buña maqmadan, insanlar mahkeme ögünde toplaşıp, Ahtem Çiygozğa qoltutmaq içün qadılarğa «Masqaralıq!» dep muracaat etkenler», – dep qayd etti faal.

Sentâbrniñ 11-nde Kreml nezaretindeki Qırım Yuqarı mahkemesi qırımtatar halqınıñ liderlerinden biri olğan Ahtem Çiygoznı 2014 senesi fevralniñ 26-nda Qırım Yuqarı Şurasınıñ binası ögünde kütleviy nizamsızlıqlar teşkil etmesinde qabaatlap, 8 yıllıq apiske mahküm etti.

Ukrainanıñ vaqtınca işğal etilgen territoriyalar nazirligi İnsan aqları Avropa mahkemesine ükümnen bağlı şikayet bermek niyetinde.

Ahtem Çiygoz 2015 senesi yanvar ayında 2014 senesi fevralniñ 26-da Qırım Yuqarı Şurasınıñ binası ögünde Ukrainanıñ topraq bütünligine qol tutulmasına bağışlanğan mitingde iştirak etkeni içün tutulğan edi. O zaman miting iştirakçılerine Rusiye tarafdarları, şu cumleden «Russkoye yedinstvo» firqasınıñ temsilcileri qol tutqan edi.

«Çiygoz davasını» Rusiye mahkemesi qapalı toplaşuvda - qırımtatar Meclisi yolbaşçısınıñ muavini sıfatındaki Ahtem Çiygozniñ davası olaraq ve ayrıca, davanıñ eki iştitakçisi olğan Ali Asanov ve Mustafa Degermenci davası şeklinde ekige ayıraraq, «26 fevral» davası çerçivesinde baqmaqta.


XS
SM
MD
LG