Mahsus Qırım.Aqiqat içün
Ukrain vatandaşlıq cemiyeti eski elitanı birinci raundta nakautqa yollaycağını farz etken boksçığa oşay. Lâkin raqip yapışmağa başlağanı sebebinden, artıq on eki raund devamında bokslaşmaq kerek.
Onıñ içün duyğular reytingindeki birinci satırda köz qaytuv derecesi pek qaviy ola. Aqrın islâatlar tempinden. Aşıqmadan yapılğan kadrlar deñişüvinden. Oyun qaydeleriniñ kütleviy tarzda deñişmegeni sebebinden.
Er türlü muvafaqiyetler yarım-yurtu qabul etilgeni, er türlü irişmeler – kosmetik kibi olğanı, ilerige doğru yapılğan er türlü areketler – köz boyama teşebbüsi kibidir. Ve ekseriy allarda bu şübe aqlanmaqta. Ukrain islâatları Ukrainanı kerçekten de «ekinci Poloniyağa» çevirip olamadı. Amma olarnıñ hususiyeti, zaten bunı yapıp olamaycağınen bağlı edi.
Mesele yalıñız, Poloniya özüniñ zemaneviy statusına yetmesi içün eki yıl masraf etkenindedegil. Aslında meseleVarşavanen –Kyiv arasındaki farq – birincisiniñ 20 asırda tam manada öz devliçiligine saip olma tecribesi sebebindedir. Sovetler devrinde bu cumhuriyet hususiy topraqnı mülk edinme aqqını saqlap qalmasındadır. Polonyalılar olarnıñ paytahtı Moskva ya da Varşavada olacağına dair añlaşma yapmağa mecbur qalmağan ediler. Olar mustaqillik kerekmi yoqmı degen muzakereler yapmağan edi.
Ukraina tar körüşli olğanınıñ, yigirmi yıllıq süyrelişiniñ, areketsizlik ve pervasızlığınıñ aqqını ödey
Ukrainada bularnıñ epsi olmadı degil. Neticede, ekseriyet mustaqillikniñ qıymetini is etip olamadı. Devletniñ mustaqilligi Moskvanen bir bonusqa deñişmek mümkün olacaq bir resurs sıfatında qabul etile edi. Bu vaziyet ancaq Meydan, Qırım ve Donbasstan soñ deñişip başladı.
Lâkin endi devlet tar körüşli olğanı, yigirmi yıllıq süyrelişiniñ, areketsizlik ve pervasızlığınıñ aqqını ödey.
Sprinterler tünevin yataqta yatqanlardan doğmay. Netice almaq istegenler – daima manialardan keçmeli. Zayıflamaq esnası bile – sert disiplinağa tayanğan ve yedi qat ter aqızmaqtan ibaret uzun ve çoq komponentli bir tarihtir. Sert bir şekilde özüni tutmağa mecbur etken, komfortsız ve yorucı bir esnastır. Er an qopıp, ters tepebilecek bir aldır. Lâkin ne içündir devletniñ işlâatı semizlikke qarşı alıp barılğan şahsiy küreşten farqlı olmalı dep tüşünilmekte?
Er bir ümütsizlik qarardan ziyade olğan beklemelerden soñ meydanğa kele. Perspektivalarımızğa ne derece ayınıq alda qıymet kessek – közümiz o qadar da az qaytır. Hususiyetimiz şudır ki, muvafaqiyetli islâatlar yapılğan taqdirde bile, Ukraina Poloniya olıp qalamaz. Sebebi de pek basit – muvafaqiyetli islâatlar neticesinde bile Poloniya Almaniya olıp qalamadı.
Aqrın yapılğan islâatlar afsus ki, eñ muim şeyni lâğu etmey – devletke islâatlarnıñ yerine kelecek başqa bir alternativa yoq, işte
Çünki yigirmi yıllıq areketsizlikniñ üstü bir qalemnen sızılıp taşlanamaz. Bizler epbir liderlerge nisbeten quvalağan pozitsiyada qalacaqmız. Şarqımızdaki cenk yatırımcılarnıñ devletimizge kelip para yatırmasına epbirtesir etmege devam etecek. Ukrainanıñ Rusiyenen qomşu olması – onıñ stabillik faktorından marum ete. Büyük paralar ise tınçlıqnı seve.
Aqrın yapılğan islâatlar afsus ki, eñ muim şeyni lâğu etmey – devletke islâatnıñ yerine kelecek başqa bir alternativa yoq, iste. Happy-end bağışlaycaq er angi bir «üçünci yol» yoq. Üstün küçke saip karamanlarnı doğuracaq tılsımlı retseptlerni ancaq filmlerde rasrketirmek mümkün. Künlük ayatta yalıñız talimler, diyeta ve sportiv mantıq yardım ete.
Meftün olmañız. Közüñiz qaytmaması içün bu eñ tesirli usuldır.
«Fikir» rubrikasında bildirilgen fikir-tüşünceler müelliflerniñ noqtaiy nazarını aks ettirip, muarririyetniñ baqışlarınen bir olmaması mümkün