Link açıqlığı

Saatnıñ esas haberi

Qırımdaki mahkeme Çiygoznı 8 yılğa apiske aldı


Kremlge tabi olğan işğal etilgen Qırımnıñ Yuqarı mahkemesi qırımtatar halqınıñ liderlerinden biri Ahtem Çiygozğa 8 yıl sert rejimli apis cezasını berdi, dep bildire Qırım.Aqiqat mühbiri.

Böyle bir qararnı mahkeme sentâbrniñ 11-de ilân etti.

Mahkeme Çiygoznıñ advokatı Aleksandr Lesovoynı bir qaç kere keç qalğanı içün qayd etti.

Ahtem Çiygozğa qoltutmaq içün mahkeme binası yanında onlarnen insan toplaştı. Qırım.Aqiqat mühbiri bildirgenine köre, umumen yüzge yaqın insan keldi.

Ahtem Çiygoz 2015 senesi yanvar ayında 2014 senesi fevralniñ 26-da Qırım Yuqarı Şurasınıñ binası ögünde Ukrainanñ topraq bütünligine qol tutulmasına bağışlanğan mitingde iştirak etkeni içün tutulğan edi. O zaman miting iştirakçılerine Rusiye tarafdarları, şu cumleden «Russkoye yedinstvo» firqasınıñ temsilcileri qol tutqan edi.

«Çiygoz davasını» Rusiye mahkemesi qapalı toplaşuvda: qırımtatar Meclisi yolbaşçısınıñ muavini sıfatındaki Ahtem Çiygozniñ davası olaraq ve ayrıca, davanıñ eki iştitakçisi olğan Ali Asanov ve Mustafa Degermenci davası şeklinde ekige ayıraraq, «26 fevral» davası çerçivesinde baqmaqta.

XS
SM
MD
LG