Link açıqlığı

İşğal etilgen Qırımda – benzin qıtlığı bar, dep haber ete «Dojd​»​ telekanalı.Jurnalist Vladislav Osipovnıñ sözlerine köre, yaqıtnıñ qıtlığı eñ çoq Aqyarda is etile, albuki yarımadada energetik blokada yapılğanından berli böyle bir vaziyet olmağan edi. Kreml nezaretindeki Qırım Energetika nazirligi qıtlıq sebebini pek tez artqan ihtiyac, Keriç boğazındaki keçişke tesir etken ava şaraitleri ve Rusiye demir yolları idaresiniñ cermay mahsulları acele keçirilecek statusqa saip mahsullar cedveline kirsetilmegeni sebepçidir dep ayta.

Aqyarlı jurnalist David Akselrod qırımlı aydavcılar, maşnanıñ markası baqmadan, yerli keyfiyetsiz yaqıtqa keçmege mecbur qalğanlarını aytmaqta.

95-nci, 98,nci ve dizel yaqıt qıtlığı ciddiy olaraq dört künden berli devam ete. Qıtlıq tek Aqyarda degil de, bütün Qırımnı qaplap alğan

​David Akselrod

– 92-nci benzin ve gaz probleması yoq, amma 95-nci, 98-nci, ve dizel yaqıt qıtlığı ciddiy olaraq dört künden berli devam ete. Laf etmege çarem olğan aydavcılarnıñ sözlerine köre, qıtlıq tek Aqyarda degil de, bütün Qırım qaplap alğan. Akimiyet aytqanına köre, ana-mına vaziyet deñişecek eken, boğazda keçmesini beklegen yaqıt yüklü maşnaları bar eken, lâkin vaziyet asla deñişmey. Hucur bir al, ancaq yaqıt alacaqlar nevbeti körünmey, aydavçılar ise meseleni 92-nci benzin qullanaraq çezeler.

Rusiye Mustaqil yaqıt şurasınıñ prezidenti Pavel Bajenov işğal etilgen Qırımda benzin qıtlığınıñ sebepleri aqqında ikâye ete.

Büyük satıcılar mustaqil ufaq satıcılarğa köre daa ziyade kâr eteler. Qırımda hususan öyle soylârı çalışa, çünki büyük brend saipleri ğarpnıñ sanktsiyalarından çekineler

Pavel Bajenov

– Kerçekten de, Rusiyede şimdi yüksek sezon devri, bir de Qırımnıñ coğrafik yerleşüvi ve naqliye zorluğı da tesir ete.Eñ muimi – fiyatlarnı tutmaq içün yapılğan populist siyaseti. Onıñ aşikâr tarzda qullanılmay, yani federal akimiyet satış fiyatlarını arttırmağa fursat bermey ve bunı er angi bir qanunğa uyaraq degil de, yazılmağan bir qaydege köre yapa. Bu arada kötere fiyatlarına kelgende, tam manalı bir bazar fiyatları tutula, böyleliknen yaqıtnıñ büyük satıcıları ayaqta qalıp batmamağa areket etken mustaqil satıcalardan ziyade kârlı olıp çıqa. Qırımda hususan öyle soylârı çalışa, çünki büyük brend saipleri ğarpnıñ sanktsiyalarından çekineler.

KyivdekiGosprodpotrebslujba bölüginiñ baş mutehassısı Dmitriy Lavrinenko yaqıt qıtlığını meselesini mal ketirgen namussız şirketler qullanması mumkün olğanı aqqında tenbiyeley.

Benzin qıtlığı olğan vaqıtta, adet-üzre keyfiyetsiz yaqıt peyda ola. Bu ise, maşnanıñ bozulmasına sebep ola.

Dmitriy Lavrinenko

– Benizn qıtlığı olğan vaqıtta, satiş noqtalarında adet-üzre keyfiyetsiz yani, meselâ, kükürt kibi zarar berebilecek kirli maddeleri olğan yaqıt peyda ola. Bu ise, maşnanıñ bozulmasına, işlengen gazlar tabiatnıñ kirlenmesine sebep ola. Aydavcılar pek muqayıt olıp, şubeli yaqıt satın alğan soñ araba motorınıñ hucur sesnen çalışqanını duyğanlarınen, teşkergen organlarğa haber etmeli, çünki mında yalıñız, maşnanıñ tamir etilmesinen bağlı masraflar degil de, hususan büyük şeer sakinleriniñ sağlığına berilecek zararnıñ ögüni alma meselesi de turmaqta.

(Matirialnıñ metin şeklini Vladislav Lentsev azırladı)

XS
SM
MD
LG