Rusiyede ilâç fiyatlarınıñ artması inflâtsiya oranınıñ üç qatını keçti. Esas ilâçlar cedveline kirmegen ilaçlarnıñ fiyatı yarım yıl içinde 7,5% arttı dep bilidre Roszdravnadzor. Kreml nezaterindeki Qırım sağlıq naziriniñ yardımcısı Nikolay Derkaç bu arada yarımadada esas ilaçlarnıñ fiyatları artmaycağına söz bergen edi. İstimalcı fiyatlarınıñ soñki artışını Krımstat keçken sene dekabr ayında qayd eterek, qomşu Rusiye ortalamasınanazaran Qırımda inflâtsiya oranı üç kere ziyade olğanını bildirgen edi.
Rusiyeli «Apteçnaya gildiya»nıñ yöneticisi Yelena Nevolina ayatiy ihtiyaç cedveline kirgen ilaç fiyatlarınıñ regulirlenmesi ne şekilde yapılğanını añlata.
Eger ilâç terkibince ital madde mevcut ise, para birimi fiyatınıñ deñişmesi sebebinden zararnı kimse qapatmaz. İşhane zararnı qapatmaq içün başqa ilaçlarnıñ fiyatını arttırmağa mecbur qala.
Yelena Nevolina
– Bu yol ta 2010 senesinden berli izlenmekte. Devlet eñ yüksek fiyatını ilk evelâ ilaçnıñ istisal etilgeninde, ondan soñ – satılıqqa çıqqanından son bir daaregulirley. Ondan da ğayrı, federatsiyanıñ er bir subyekti içün toptan ve satış fiyatlarnıñ azamiy seviyesini belgiley. Yani fiyatlar tüşebile, lâkin muayyen deger üstüne çıqarılamay. Yılda bir kere müessise devletke muracaat eterek, resmiy inflâtsiya oranına nisbeten fiyatlarnıñ indeksatsiyası yapılmasını talap etebile. Ancaq ilaç terkibinde ital madde mevcut ise, para birimi fiyatınıñ deñişmesi sebebinden zararnı kimse qapatmaz. İşhane zararnı qapatmaq içün başqa ilaçlarnıñ fiyatını arttırmağa mecbur qala.
Qırımlı pensioner Pötr rusiyeli ilaçlardan menün degil:
«Evel zamanlardaki keyfiyet yoq. Ukraina zamanında pek çoq ucuz ilaç satıla edi, şimdi ise pensioner kerek ilacını satın alamay em de ilachane rafları bom-boş. Bir kere analgin satın alğan edim, az qalsın öleyazdım. Şimdi faalleştirilgen kömürden ğayrı iç bir şey almayım».
Ekimlerni imaye Ligası prezidenti Semön Galperin Rusiyede ilâçlarnıñ istisal ve satılışını tekelleştirilgen ve qabarсılıq üzerine qurulğan dep adlandıra.
Rusiyede ilâç fiyatlarınıñ ekseriyeti çetel analoglarınıñ fiyatlarından qat-qat ziyade
Semön Galperin
– Esas ilâçlar cedveli hucur bir şekilde tizile, onıñ içün oña küçsüz, bazen atta telükeli soylârı da kirsetilebile. Aslında bu, memurlar ve ilaç satıcıları arasındaki bir añlaşmadır. Rusiyede ilaç satılışı pek tekelleştirilgen. Bizdeki ilaçhane sayısı yüksek degil em de olarnıñ saipleri aynı kişiler. İstisalcı ve mal ketirgenlerniñ sayısı da pek az. Onıñ içün Rusiyede ilâç fiyatlarınıñ ekseriyeti çetel analoglarınıñ fiyatlarından qat-qat ziyade. İlâçlarnıñ ucuz soylârı regulirlev neticesinde erte-keç çıqarmay qoyula – zarar ketirecek malnıñ çıqarılmasından ne fayda? Diger taraftan memurlar hastahanelerni ciddiy klinik deñev keçmeyip keyfiyeti belli olmağan ilâçlarnı satın almağa mecbur ete. İsitsalcı içün bu pek kelişe, lâkin temin işiniñ – yıqılmasına sebep ola.
Semön Galperin ayrıca, rusiyeli ekimlerni hastalarğa daa ucuz ve qıtlıqta olğan ilaçlar yerine muuayyen soylârını tevsiye etmelerine mecbur etilgenlerini qayd ete.
Cemaat faali, «VİÇ/SPİDnen yaşağan insanlar bütünukraina ağınıñ» yolbaşçısı Dmitriy Şerembey Rusiyede keyfiyetli ve nisbeten ucuz ilâç tapmaq pek qıyın olğanını bildire.
Dmitriy Şerembey
– Regulirlengen sistemalar içindeki fiyatnıñ 30%-60% qısmını qabarcılıqqa tüşken payı teşkil ete. İstisalcılar er bir kağıt içün para tölemek kerekligini pek yahşı añlayaraq, fiyatnı da oña köre şekillendireler.Zemaneviy sistemalarğa binaen ekimler belli ilaç markalarına esaslanmadan, onlarnen ilâçta rastkelecek ve ilaç terkibinde tesirli maddeni esapqa alaraq ilâç yazıp bereler.Hasta ilâçnı özü saylâp ala. İmkân bar ise, Rusiyeniñ kerçek ayatında, adını saqlap qalmağa istegen istisalcınıñ ilâçını saylâmaqnıñ manası bar – bu bir nevi keyfiyet garantiyası olabilir.
(Matirialnıñ metin şeklini Vladislav Lentsev azırladı)