Qırımda faal Davlatovnıñ ükmüni nasıl beklediler (video)

Yarikul Davlatovğa qoltutmaq içün mahkeme binası yanında toplaşqanlar Qırım.Aqiqatqa izaat berip, mahkeme esli-başlı insannı aqlaycağına işanmağanını bildirdiler. Kreml kontrol etken Aqmescitniñ Jeleznodorojnıy rayon mahkemesiniñ qadısı Mariya Domnikova qırımlı Yarikul Davlatovnıñ imayesi bergen eki esas şikâyet arizasını red etti. Faal apiske alınğan Server Karametovğa qoltutmağa çıqqanı içün tutuldı.