Qırım faali Davlatovğa 10 biñ ruble para cezası berildi (video)

Kreml kontrol etken Aqmescitniñ Jeleznodorojnıy rayon mahkemesiniñ qırımlı Yarikul Davlatovğa qarşı çıqarğan qararından halqara mahkemelerge bile şikâyet etilecek. Bunı avgustnıñ 14-de aqşam mahkemeden soñ advokatlar Emil Kürbedinov ve Edem Semedlâyev bildirdiler. Kreml kontrol etken Aqmescitniñ Jeleznodorojnıy rayon mahkemesi apiske alınğan Server Karametovğa qoltutmaq içün bir özü narazılıq aktsiyasına çıqqan Yarikul Davlatovğa 10 biñ ruble (tahminen 4,3 biñ grn – QA) para cezasını berdi. (Video: Facebook Qırım birdemligi)