Link açıqlığı

Qırım mahkemesinde Ahtem Çiygoznı sorğuğa çekeler – advokat


Kreml kontrol etken Qırım Yuqarı mahkemesinde iyülniñ 25-de qırımtatar milliy areketiniñ liderlerinden birisi Ahtem Çiygoznıñ sorğusı keçirile. Onı 2014 senesi fevralniñ 26-da Qırım Yuqarı Şurasınıñ binası ögünde Ukraina topraq bütünligine qoltutuv mitinginde iştirak etmesi ve teşkil etmesinde qabaatlaylar. Bunı advokat Nikolay Polozov Facebookta bildirdi.

İşbu esnasta keçirilgen mahkeme oturışı çerçivesinde Çiygoz ilk sefer sorğuğa çekile.

Qırımtatar milliy areketiniñ faali Zair Smedlâyevniñ bildirgenine köre, sorğu videokonferentsiya vastasınen keçirile.

«Bağ yaramay, ses zayıf, ara-sıra toqtala», – dep yazdı o.

Ahtem Çiygoz 2015 senesi yanvar ayında 2014 senesi fevralniñ 26-da Qırım Yuqarı Şurasınıñ binası ögünde Ukrainanñ topraq bütünligine qol tutulmasına bağışlanğan mitingde iştirak etkeni içün tutulğan edi. O zaman miting iştirakçılerine Rusiye tarafdarları, şu cumleden «Russkoye yedinstvo» firqasınıñ temsilcileri qol tutqan edi.

«Çiygoz davasını» Rusiye mahkemesi qapalı toplaşuvda: qırımtatar Meclisi yolbaşçısınıñ muavini sıfatındaki Ahtem Çiygozniñ davası olaraq ve ayrıca, davanıñ eki iştitakçisi olğan Ali Asanov ve Mustafa Degermenci davası şeklinde ekige ayıraraq, «26 fevral» davası çerçivesinde baqmaqta.

XS
SM
MD
LG