Rusiye tarafından işğal etilgen Qırımda «Rosselhoztsentr» müdiri Andrey Alekseyenko, yarımadada asiya satınçqası yoq etilgenini ayta. Em de koy hocalığında qullanılğan topraqlar zarar körmegen, çünki böceklerniñ aşağan yemi – qamış edi, sarınçqa ise Qırımnıñ çöllerine kelgen. Böceklerniñ zapt etken topraqları cemi meydanlıqta 1200 gektarnı teşkil etken, dep aytı Alekseyenko Qırım.Aqiqatqa.
«Problema, kerçekten, 100 faizğa al etilgen, çünli körgenimiz bütün topraqlarda himiya işlemeleri yapılğan... Em yer üstünde, em de avadan ilâçlar sepildi. Bu saniede menim adamlarım nezaret etmekte, ilâçlarnıñ qullanuv semereligini közetmekte. İlaçlar uzun müddet devamında tesir ete, semeresi 100 faizğa qadar yete», – dep işandırdı «Rosselhoztsentr» müdiri.
Onıñ sözlerine köre, tarlalarda sarınçqa tapılmay edi, qamışnıñ ösken yerlerinde ise böcek sayısı «zararnıñ iqtisadiy sıñırından artqaç» edi.
Yarımadağa sarınçqanıñ kelmesi aqqında Qırım.Aqiqatnıñ mahsus maqalesi derc etilgen edi.
Rusiyege tabi olğan Qırım akimiyetiniñ baş nazir muavini Yüriy Gotsanük iyülniñ 16-nda, sarınçqanı yoq etmek içün Qırımnıñ yedek fondından sermiya ayırılğanını beyan etken edi.
İyülniñ 14-nde, Qırımğa asiya sarınçqası kelebileceginiñ hafvı aqqında haber etilgen edi. Yerli sakinler sarınçqa istilâsınıñ video-levhalarını yayınlağan edi.
