İşğal altındaki Qırımnı uçqan asiyalı sarınçqa basma telükesi bardır. Bu aqta Kreml nezareti altındaki Qırım ziraat nazirliginiñ matbuat hızmeti bildirmektedir. Şaatlar zararlı aşeratlar köstergen videolarnı derc etmekteler.
«Zararlı aşeratlar İçki, Canköy ve Or Qapu rayonlarında peyda olğan. Biz, zararlı aşeratlar basqan territoriyalarğa hususiy ilaclarlar püskürtilmesi içün Krasnodar ülkesinden bir uçaq çağırttıq», – dep ayta Rusiye nezareti altındaki Qırım ziraat naziri Andrey Rüşin.
O, aynı zamanda, qattı sıcaq sebebinden zararlı aşeratlarnen küreşüvde qıyuıncılıqlar çıqqanını da qayd etti.
«İlac 27 derecegece tesir etkeni içün, onı yalıñız saba erte ya da aqşam püskürtmek mumkün», – dep ilâve etti memur.
Umumen alınğanda uçqan asiyalı sarınçqanıñ qurtçıqları işğal altındaki Qırımnıñ 1213,8 gektarlıq bir alanda körülgen. Ortalama esapnen bir metr kare başına 59 dane qurtçıq tüşmekte. En çoq (metre karede 310 qurtçıq) İçki rayonınıñ 85 gektarlıq alanında tapılğan denilmekte nazirlikte.
