Link açıqlığı

Rusiye Mudafaa naziriniñ muavini teşkerüv keçirmek maqsadınen Qırımğa keldi


Rusiye Mudafaa nazirligi, istilâ etilgen Qırımda ordunıñ logistika sistemasını teşkerecek. Rusiye kütleviy haber vastalarınıñ beyan etkenlerine köre, Mudafaa naziriniñ muavini Dmitriy Bulgakov salu künü, iyülniñ 4-nde, işğal etilgen Qırımğa keldi.

O degen ki, rus ordusınıñ logistika sisteması nazir Sergey Şoygunıñ emirinen teftişlenecek. Bu teşkerüv ancaq Qırımdaki ordularnen degil de, qomşu Rusiyeniñ Cenübiy bölüginen de bağlı olacaq.

«Bu sene devamında böyle miqyasta bu endi üçünci teşerüv ötkerile», – dedi Bulgakov. O qayd etti ki, Qırımda ayrı logistika brigadası, logistika merkezi ve ayrı deñiz piyade brigadası teftiş etilecek.

İyünniñ 6-nda Qırımda Su-27 qırıcı uçaqlarnıñ bekçilik çiftleri muarebe telükesi işaretinen avağa köterilgeni malüm olğan edi. Ukraina Baş komandanlığı istilâ etilgen Qırımda Rusiyeniñ ötkergen idmanlarını qanunsız tanığan edi.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqid etti. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG