Ahtemni anasınen vedalaşmağa imkânından marum qaldırdılar – Çiygoznıñ ömür arqadaşı (video)

Bağçasaray rayonınıñ Topçikov (Dolinnoye) köyünde Aqmescit SİZOsında yatqan qırımtatar milliy areketi liderleriniñ birisi Ahtem Çiygoznıñ anası Aliye Çiygoz ile vedalaştılar. Çiygoznı 2014 senesi fevralniñ 26-da Qırım Yuqarı Şurasınıñ binası ögünde qalabalıqlarnıñ teşkil etmesinde qabaatlaylar. Ahtem Çiygoz 2015 senesi yanvar ayında tutuldı, o vaqıttan berli SİZOdan bir kere çıqqan edi, hasta anasınen körüşmesi içün onı gizlice çıqarğan ediler. Körüşüvleri on daqqa sürdi. Cenazege onı yibermediler, SİZO ömür arqadaşı ve cemaat imayecisi Elmira Ablâlimovanıñ arizasını qabul etmedi. Sebebi raatlıq künü ve yolbaşçılıqnıñ iş yerinde olmağanı olğan eken. 500-den ziyade insan Aliye Çiygoznen vedalaşmağa keldi.