Link açıqlığı

Saatnıñ esas haberi

Türkiyeniñ Eskişehirinde qırımtatar diasporası bayram teşkil etti


Türkiyeniñ Eskişehir şeerinde iyülniñ 2-nde qırımtatar diaspora vekilleri milliy medeniyet ve adetlerge bağışlanılğan ananeviy bayramnı keçirdi. Merasimde ukrain diplomatları ve yerli akimiyet temsilcileri de iştirak etti. Bunı Twitterde Türkiyedeki Ukraina elçihanesiniñ matbuat hızmeti haber etti.

«Eskişehirniñ şeer akimiyeti temsilcileri Rusiyeni Qırımdan ellerini çekmege çağırdı ve Ukrainağa destek bildirdi», – dep aytıla bildirüvde.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqid etti. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG