Link açıqlığı

Saatnıñ esas haberi

MİD Birleşken Milletlerni Rusiyege basqını küçlendirmege çağıra, çünki ukrainlilerge azap berilgeni aqqında deliller mevcut


Ukraina Tışqı işler nazirligi (MİD) BM devletlerini Rusiyege basqını küçlendirmege ve öz mecburiryetlerini, şu sırada Azap berüvge qarşı Meqaveleni de eda ettirmege çağıra.

Müessiseniñ beyanatında aytıla ki, nazirlik nevbetteki kere dünya cemaatınıñ diqqatını «istilâci devlet olaraq Rusiye tarafından ciddiy ve muntazam sürette Donbassttaki ve işğal etilgen Qırım Muhtar Cumhuriyetindeki vatandaşlarğa qarşı insan aqlarınıñ bozıluvına» celp ete.

Bundan da ğayrı MİD dey ki, «Rusiyede ve işğal etilgen topraqlarda tutılğan Ukraina vatandaşlarına qarşı muntazam tarzda yasaqlanğan sorğu usulları qullanılğanına, azap berilgenine, ruhiy basqı yapılğanına dair şek qaldırmaycaq deliller mevcut».

Rusiye tarafı bu beyanatnı daa iza etmedi.

İyünniñ 26-nda dünya cemaatı halqara Azap qurbanlarını desteklev Kününi qayd ete.

2014 senesi Qırım işğal etilgen soñ Ukraianıñ şarqında silâlı dava başlandı. Ukraina ve Ğarp, ayrımcılarğa destek bergeni içün Rusiyeni qabaatlay. Kreml bu iddialarnı red ete.

İyülniñ 26-nda Ukraina prezidenti Petro Poroşenko, şimdi Ukrainanıñ nezaretinde olmağan Donbass topraqlarında 128 reine, Rusiye toprağında – 40 reine tutılğanını beyan etken edi.

Rus apishanelerinde tutılğan ukrain mabusları, olarğa azap berilgenini defalarca beyan ete edi. Zarar körgenlerniñ sözlerine köre, azap bergen sorav usulları istilâ astındaki Qırımda da Rusiyeniñ mahsus hızmetleri tarafından qullanıla. Bir sıra teşkilâtlarnıñ uquq qorçalayıcıları böyle malümatnı defalarca tasdiqlağan edi ve temel insan aqlarınıñ bozıluvına, zorbalıqqa qarşı çıqa edi.

XS
SM
MD
LG