Link açıqlığı

Saatnıñ esas haberi

Qırımda «Umerov davasınıñ» esası boyunca ilk toplaşuv ötkerilecek


Kreml nezaretindeki Aqmescit rayon mahkemesi iyünniñ 7-nde qırımtatar milliy areketiniñ belli yetekçilerinden biri olğan İlmi Umerov davasınıñ esasını baqıp başlaycaq. Toplaşuv saat 14:30 keçirilmesi planlaştırıla.

Bundan evel Rusiyeli advokat Mark Feygin Kreml nezaretindeki Qırım mahkemesinde İlmi Umerovnı temsil etmek niyetinde olğanını bildirgen edi.

2016 senesi FSB taqiqatçıları İlmi Umerovqa qarşı ektremizm maddesi boyunca cinaiy iş açqan edi.

Qırımtatar milliy areketiniñ belli iştirakçisi, qırımtatar Meclisi reisiniñ muavini olğan İlmi Umerovnıñ tutulıp alınuvı, evindeki tintüv ve oña qarşı cinaiy işniñ açılması, mecburiy surette mahkeme-psihiatrik ekspertizanıñ keçirilmesi içün onıñ delihanege yerleştirilmesi – cemiyette ve dünyada rezonans çıqarğan edi.

Qırımtatar Meslisiniñ reisi Refat Çubarov İlmi Umerovnıñ taqip etilüvini, Rusiye işğal etken Qırımda qırımtatar halqına qarşı doğrultılğan quvğunlıq ve zulum kampanyasınıñ bir qısmı dep saya.

XS
SM
MD
LG