Link açıqlığı

Litva Rusiyeni qırımlılarnıñ aq-uquqını bozmaqnı bitirmesine çağırdı


Litva Rusiye tarafından işğal etilgen Qırım sakinlerine qol tutmağa devam eterek, Rusiye Federatsiyasından yarımadadaki insanlarnıñ aqlarını bozmaqnı bitirmesine çağırdı. Bu aqta mayısnıñ 29-nda Twitterde Litva tışqı işleri naziri Linas Linkeviçus Vilniuste, «Qırım işğal etilgeninden üç yıl keçken soñ qırımtatarlarınıñ şimdiki vaziyeti ve halqara cemaatçılıq içün ilerideki strategiya» adlı halqara konferentsiyanıñ ötkerilüvine izaat bergende söz yürsetti.

«Litva zapt etilgen Qırımda zulumğa oğrağan insanlarğa qoltutmağa devam ete. Biz Rusiyeni bir daa olarnıñ aqlarınını bozmamasına çağıramız», – denilmekte haberde.

Vilniuste konferentsiya başlağanı aqqında mayısnıñ 29-nda jurnalist Yuriy Lukanov haber etken edi.

O, qayd etkenine köre, konferentsiyada «Qırımnen bağlı çeşit meseleler muzakere etilecek hususan: işğal esnasında halqara uquqnıñ bozulğanı, Qırımdaki insan aqlarınen bağlı vaziyet, yarımadada mülkiyet aqlarınıñ bozuluvı».

Mayısnıñ 28-nde konferentsiyada Ukraina halq deputatı Refat Çubarov, «Sila prava» (Uquq küçü) ictimaiy areketniñ yolbaşçısı Andrey Sençenko, ömür arqadaşı Roksolananen beraber Ukrainanaıñ Litvadaki elçisi Vladimir Yatsenkovskiy, Litvanıñ Ukrainadaki elçisi Marius Yanukonis ve qırımtatar Meclisiniñ diger azaları iştirak etti.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG