Link açıqlığı

Vilniuste Qırımdaki vaziyet mevzusına bağışlanğan konferentsiya ötkerile


Mayısnıñ 28-nde Vilniuste «Qırım istilâsınıñ üçünci yılından soñ qırımtatarlar: şimdiki vaziyet ve dünya cemaatı içün kelecekteki srtategiya» mevzusında halqara konferentsiya ötkerilmekte. Bunı öz Facebook saifesinde jurnalist Yuriy Lukanov haber etti.

Onıñ yazğanına köre, konferentsiya qırımtatar muzıka aqşamınen açıldı, milliy nağmalerni Kyivden kelgen «Aq deñiz» ansabli ce Litvaniyalı «İl suv» ansambli icra etti.

«Konferentsiya devamında Qırım istilâsınen bağlı olğan çeşit mevzular muzakere etilecek: işğal vaqıtında halqara uquqnıñ bozıluvı, Qırımda insan aqlarınıñ alı. İnsan aqları aqqında malümat metkezi Qırımda söz serbestligi mevzusına dair esabat azırladı», – dep yazdı Lukanov.

Onıñ bildirgenine köre, mayısnıñ 28-nde konferentsiyada Ukraina millet vekili Refat Çubarov, «Uquq quveti» cemaat areketiniñ yetekçisi Andriy Sençenko, Ukrainanıñ Litvaniyadaki elçisi Volodımır Yatsenkovskiy ömür arqadaşı Roksolananen beraber, Litvaniyanıñ Urainadaki elçisi Marius Janukonis, ve Qırımtatar Milliy Meclis azaları iştirak etti.

«Bazarertesi künü konferentsiyağa Litvaniyanıñ Seimas azaları, eksperler, alimler qoşulacaq. Konferentsiya Litvaniyanıñ parlamenti ve Dünya qırımtatarlar kongressi tarafından Litvaniya Tışqı işler nazirligi, Demokratiya içün parlement forumınıñ desteginen teşkil etildi», – dep haber etti jurnalist.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG