Link açıqlığı

Kyivde kozaklar devirindeki ukrain-tatar munasebetleri aqqında kitap taqdim etilecegi ilân etile


Kyivdeki «Qırım evinde» mayısnıñ 30-nda tarihçi Taras Çuhlibniñ «Kazaklar ve tatarlar. 1500-1700 yıllarınıñ ukrain-tatar ittifaqları» adlı kitabı taqdim etilecek. Merasim teşkilâtçıları, bu kitapta ukrain kozakları ve qırımtatarları arasında olğan siyasiy munasebetler aqqında söz yürsetilgenini haber ete.

«Qırım işğalinden soñ istilâci-devlet öz qanunsız areketlerini aqlamaq içün sözde tarihiy isbatlarnı seslendire, bu sebepten Qırım yarımadasınıñ tarihı ilmiy ceetten ögrenilecegi daa aktual oldı», – dedi kitap muellifi Taras Çuhlib.

Teşkilâtçılarnıñ bildirgenlerine köre, taqdim merasimine davet etilgenler arasında – Milliy Meclis reisi, Ukraina millet vekili Refat Çubarov, alimler Yüriy Koçubey, Yaroslav Fedoruk, Ferhad Turanli, Gulnara Bekirova, rejissör ve aktör Ahtem Seitablayev barlar.

XS
SM
MD
LG