Link açıqlığı

Çubarov: qırımtatarları öz taqdirini belgilemesi – Qırımnı azat etilmesi içün bir esastır


Refat Çubarov, arhivden alınğan fotoresim

Ukraina halq deputatı, qırımtatar halqı Meclisiniñ reisi Refat Çubarov, Ukraina elindeki bir çoq fursatlarnen beraber, Qırımnı keri qaytarmasınen bağlı yani – qırımtatar halqınıñ öz taqdirini belgileme aqqı kibi - istisna bir esasqa saip, dep saymaqta. Bu aqta o, maysnıñ 23-de Kyivde ötkerilgen «Qırımnıñ istilâsı: neticeler, vaziyeti, tahminler» mevzusına bağışlanğan konferentsiyada beyan etti, dep bildire Qırım.Aqiqat muhbiri.

«Ne şartlar olsa olsun ki, Qırım meselesi arbiy yolnen degil de, yalıñız muzakere yolunen çezilecek. «Qırımnıñ Ukrainağa keri qaytması bir esnas» obyektiv bir esnas olmasınen degil de, «Qırımnıñ keri qaytmasınen bağlı adımlarnıñ planınen» bağlıdır. Ukraina bügün de yeterli fursatlarğa saip. Lâkin onıñ elinde, iç biri tarafta olmağan bir esas bar yani - qırımtatar halqınıñ öz taqdirini belgileme aqqı», – dep qayd etti Çubarov.

O, qırımtatar muhtariyetine qol tutulması içün: qırımtatar halqınıñ öz taqdirini belgilevdeki tabiiy aqqı ve Qırımnıñ keri qaytması kibi - daa eki sebep olğanını qayd etti.

Maysnıñ 23-de Kyivde yarımadanıñ azat etilüvine bağışlanğan konferentsiya ötkerildi.

Forumda çetelden kelgen musafirler ve nezaretçiler, cemaatçılar, qırımtatar Meclisiniñ reberiyeti, ekspert, jurnalist, Qırım Muhtar Cumhuriyeti prokuraturasınıñ temsilcileri ve Ukraina halq deputatları iştirak etti.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG