Link açıqlığı

Vaqtınca işğal etilgen territoriyalar boyunca nazirlik: qırımtatarları 1944 s. soñ başlarından belki de eñ ağır künlerni keçirmektedirler


Ukrainanıñ vaqtınca işğal etilgen territoriyalar ve köçip kelgen şahıslar boyunca nazirligi, qırımtatarları 1944 senesinden soñ «başlarından belki de eñ ağır künlerni keçirmektedirler», degen fikirni beyan ete. Bu aqta 18 mayıs künü nazirlikniñ matbuat hızmeti bildirmekte.

«Bügün de-bügün qırımtatar halqı sürgünlikten soñ başından eñ ağır künlerni keçirmektedir. Qırımtatarlarınıñ ğayıp olması, uydurılğan qabaatlavlar boyunca davalar qozğatılması, uzun müddetli apisler, Meclisniñ yasaq etilmesi, özleri nezaret etecek idariy organlarnıñ teşkil etilmesi, qırımlılarnıñ SMİdeki (KHV) itibarını tüşürüv, Qırım topraqlarına bir çoq ukrain vatandaşınıñ kirişini yasaqlav, mitingler yasaqlanması – bularnıñ episi 1944 senesiniñ akissedaları», – denile haberde.

Nazirlik, Rusiyeniñ bügünki cinayetlerine dünya cemaatçılığı bir kün ola qıymet keseceginden emin: «Artıq Ukrainanıñ BMT Halqara mahkemesinde Rusiye Federatsiyasına qarşı açqan davasında bayağı bir yılışmaları bar».

18 mayıs künü Ukrainada memorial tedbirlerniñ keçirilmesi planlaştırıla. Er yıl bu künü tamır halq 1944 senesi yarımadadan Orta Asiyağa sürülgeninen bağlı facialı vaqialar hatırlana. Episi olıp 180 bin insan sürülgen edi. Ukrainada qırımtatarlarınıñ sürgüni genotsid dep tanıldı.

XS
SM
MD
LG