Link açıqlığı

Yarımadada qırımtatarları öz azbarlarında qara tüslü bayraqnen milliy bayraqnı çıqarıp astılar – İslâmov


Qırımlılar 18 mayıs künü öz azbarlarında qara matem bayrağınen qırımtatar milliy mavı bayrağını çıqarıp astılar. Bu aqta Facebookta fail Lenur İslâmov haber etmekte.

18 mayıs künü esas Ukrainada, işğal altındaki Qırımda ve dünyanıñ bir çoq devletinde 1944 senesi qırımtatar halqınıñ genotsidi qurbanları hatırasına bağışlanğan tedbirler ötkerilecek.

Bu künü 1944 senesi Qırımdan Orta Asiyağa sürülgen tamır halqnen bağlı facialı vaqialar hatırlana. Episi olıp 180 bin insan sürülgen edi.

Qırımtatarlarınıñ sürgünlik qurbanlarını añmaq maqsadınen esas Ukrainanıñ şeer ve köylerinde bir sıra tedbirler ötkerilecek.

Ukrainada qırımtatarlarınıñ sürgüni genotsid dep tanıldı.

Er yıl Qırımda sürgün munasebetinen, şu cumleden Qırım paytahtında matem mitingi olmaq üzre, kütleviy tedbirler ötkerile edi. Lâkin 2014 senesi mart ayında yarımadanı Rusiye zapt etken soñ, Aqmescit merkezinde böyle bir tedbirlerniñ keçirilmesi yasaqlandı.

XS
SM
MD
LG