Link açıqlığı

Poroşenko: «Ukraina Qırımnı diplomatik usullarnen qaytaracaq»


Ukraina prezidenti Petro Poroşenko, Kyiv işğal etilgen Qırımnı siyasiy-diplomatikusullarnen qaytaracağını beyan etti. Bunı mayısnıñ 18-nde prezidentniñ matbuat hızmeti bildire.

«Ukrainanıñ ayırılmaz parçası olğan, amma işğal olunğan Qırımnı – siyasiy-diplomatik usullarnen qaytarmaq içün qattı qararlımız», – dedi Poroşenko.

Prezidentniñ sözlerine köre, Ukraina kelecekte de, dünya cemaatınıñ desteginen, bütün ukrain vatanperverleriniñ aqlarını qırını ve serbestligini muntazam surette qorumağa devam etecek ce olarnıñ işğalcilerge qarşı köstergen qarşılıqlarına qol tutacaq.

Ukrainanıñ qıtaiy qısımında, işğal etilgen Qırımda, ve dünyanıñ çeşit memleketlerine mayısnıñ 18-nde qırımtatarlarnıñ sürgünlik qurbanlarını añuv Künü munasebetinen hatıra merasimleri teşkil etilecektir. Er sene bu künü 1944 senesiniñ faciası añıla, o vaqıt Qırımnıñ tamır halqı yarımdadan Orta Asiyağa sürgün etilgen edi. Cemi sayıda, 200 biñden ziyade adam sürgün etildi.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG