Link açıqlığı

Saatnıñ esas haberi

Qırımda tutılğan fail Riza İzetovnı sorğudan soñ yiberdiler


Riza İzatov «E» Merkezinde sorğulanğan soñ, Aqmescit, 11 mayıs 2017 senesi
Riza İzatov «E» Merkezinde sorğulanğan soñ, Aqmescit, 11 mayıs 2017 senesi

Mamaq qasabasında mayısnıñ 11-de saba Rusiyeniñ silâlı quvetleri tarafından tutılğan qırımtatar faili Riza İzetovnı, «E» Merkezinde soğudan keçirip, yiberdiler. Radio Svoboda muhbiri Anton Naumlükke bergen izaatında İzetov – Merkezniñ hadimleri tintüv ve sorğunıñ kerekligini 2016 senesi ğayıp olğan Memetov soyadında birisiniñ vesiqaları qıdırlğanınen añlattılar.

«Notebook ve planşetni tutıp aldılar. Soñra menden bazı ifadelerni almağa istediler. (Rusiye Esas qanunınıñ – QA) 51 maddesine atıf etip, imzalamağa ve tariflemege razı olmadım. Advokatnı yibermediler», – dedi İzetov.

O dey ki, sorğu devamında ondan din mevzusında sualler de soradılar. Tutıp alınılğan cihazlarnı ekspertizadan soñ qaytarmağa vade ettiler.

Mayısnıñ 11-de saba Mamaq (Strogovka) qasabasında Qırımlı fail Riza İzetovnıñ evini tinttiler. Şaatlarnıñ sözlerine köre, silâlanğan bölükler üç soqaqnı qapattı, Rosgvardiya, FSB ve Rus politsiyasınıñ hadimleri tintüvde iştirak etti.

Bundan evel Riza İzetovnı, başqa faillernen ve Article20 agentlikniñ muhbiri Taras İbragimovnen beraber, martnıñ 30-da Aqmescitte yaqalağan ediler.

Kremlniñ nezaretindeki silâlı hızmetlerde bu tintüvniñ sebeplerini izaatlamadılar.

Rusiye Qırımnı işğal etken soñ yarımadada mustaqil jurnalistler, cemaat failleri, Rusiyede yasaq etilgen «Hizb ut-Tahrir» teşkilâtınen bağlı olğanlarında şeklengen Qırım musulmanları, qırımtatar Milliy areket failleri, Meclis azalarınıñ evlerinde tintüvler sıqlaştı.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG