Link açıqlığı

Meclis ve Ukraina MİDi Rusiyeniñ Gaaga mahkemesi qararını eda etmesine mecbur etüv tedbirlerini muzakere etti - Çubarov


Mayısnıñ 5-de Qırımtatar halqı Meclisiniñ Kyivdeki ofisinde Ukraina MİD temsilcileri ve Yuqarı Rada insan aqları boyunca Vekâletli Kâtibiyeti toplaşuv keçirerek, BMT Halqara Mahkemesiniñ Qırımnen bağlı qararı çerçivesindeki areketlerniñ koordinatsiyası yapıldı. Bunı Meclis yolbaşçısı Refat Çubarov öz Facebook saifesinde bildirmekte.

«Ukrainanıñ Qırım ve Donbass boyunca Rusiyege qarşı açqan davası çerivesinde Qırımtatar halqınıñ Meclisi yalıñız 2017 senesi arpelniñ 19-dan soñ BMT Halqara Mahkemesiniñ Rusiyege nisbeten qabul etken ara qararınen bağlı tedbirlerni taqip etmeknen sıñırlanmayıp, Rusiyeni tez vaqıtta BMT HM qırımtatar Meclisi faaliyetiniñ yasaqlanması ve yolbaşçılarınıñ Qırımğa kirmsinen bağlı yasağını lâğu etmesi aqqındaki qararını (emirini) tez vaqıtta yerine ketirmesine mecbur etmege areket etmekte», - dep qayd ete Çubarov.

Onııñ aytqanına köre, toplaşuvda Tışqı işler nazirligi vaqtınca işğal etilgen territoriyalar bölüginiñ yolbaşçısı Oksana Zolotoröva, Tışqı işler naziriniñ mesleatçısı Taras Kaçka ve UQŞ insan aqları boyunca Vekâletli Kâtibiyet yolbaşçısı Bogdan Kriklivenko iştirak etkenler.

Aprelniñ 19-da BMT Halqara Mahkemesi işğal etilgen Qırım sakinleriniñ aqlarını qorçalamaq maqsadınen «Ukraina Rusiyege qarşı» adlı davası çerçivesinde muvaqqat tedbirler kirsetken edi. Mahkeme ukrainlernen qırımtatarlarnıñ aqları bozulmamasını, Meclisniñ faaliyet tekrar başlatılması ve yarımadada ukrain tilinde tasil berüvge ruhset berilmesinen bağlı qarar qabul etken edi. Böyleliknen halqara mahkeme Rusiyeni ırq ayırımınıñ er türlü şekillerini lâğu etmesinen bağlı şartnameni eda etmesine mecbur etmekte.

Ukraina Yuqarı Radası Rusiye tarafından Qırımnıñ vaqtınca işğaliniñ resmiy başlanğıç kününi 2014 senesi fevral ayınıñ 20-si olaraq qabul etti. 2015 senesi oktâbrniñ 7-nde Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalar kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG