Ukrainada mayıs 18-i – qırımtatar halqınıñ facialı sürgünlik qurbanlarını añma künü. 1944 senesi mayıs 18-20 künleri Qırımdan Orta Asiya, Sibir ve Uralğa bütün qırımtatarlar sürgün etilgen edi, resmiy malümatqa köre – 194111 insan.
Halq faciasınıñ tolu miqdarına qıymet kesmek qıyın, sürgünlikniñ aqibetleri ise şimdi de qırımtatarlarnıñ yaşayış saalarında is etile.
1960-ıncı senelerde keçirilgen halqnı cedvelge aluv neticelerine baqılsa, anda 238500 semetdeş qayd etile, olarnıñ arasında 205900 bala ve qadın bar
Cenkten soñ qırımtatarlar sürgün etilgen mahsus yerleşmelerge Sovet ordusından boşatılğan asker ve zabitler, emek ordusında hızmet etkenler, tahliye etilgen ve repatriantlar da mecburen yollanıldı.
Qırımtatar milliy areketiniñ faalleri 1960-ıncı senelerde keçirgen halqnı cedvelge aluv neticelerine baqılsa, anda 238500 semetdeş qayd etile, olarnıñ arasında 205900 bala ve qadın bar.
Mal vagonlarında ve sürgünlikniñ ilk yılları açlıq, hastalıqtan ve dayanılmaz şaraitlerde 109956 insan can berdi
Mal vagonlarında ve sürgünlikniñ ilk yılları açlıq, hastalıqtan ve dayanılmaz şaraitlerde 109956 insan (umumiy sayıdan 46,2%) can berdi. Cenk vaqtında elâk olğanlarnıñ sayısı 4 qat az edi.
Bu malümatlar ŞSCB reberligi Qırımnıñ tamır halqını genotsidge oğratqanını köstere.
2004-2011 seneleri «Unutma» umumhalq aktsiyası devamında Qırımda qırımtatarlar oğrağan genotsidniñ tahminen 950 şaatınıñ hatırlavları toplandı. Sürgünlik yıllığınıñ arfesinde Qırım.Aqiqat tarihiy malümatnen paylaşacaq.
Elvedin Çubarov, Qırım tarihçısı, Qurultaynıñ qırımtatar halq genotsidini ögrengen mahsus komissiyasınıñ koordinatorı
«Bloglar» rubrikasında bildirilgen fikir-tüşünceler müelliflerniñ fikirlerini aydınlatıp, muarririyetniñ baqışları ile aynı olmaması mümkün