Link açıqlığı

Ukraina Haber siyaseti nazirliginiñ taqdim etken «Ukrainada Qırım meselesi» soravnıñ netecesine köre, ukrainlerniñ 86% işğal olunğan Qırım Ukraina nezaterine qaytqanını istey. Bunı mart 31 künü Ukraina Haber siyaseti naziriniñ Qırım suallerinde mesleatçısı Yüliya Kazdobina haber etti.

«Fikirimce, birzde ümüt besleyici netice çıqtı. Ukrainlerniñ 86% Qırım Ukrainağa qaytqanını istey. Yani, olar Qırım aqqında hatırlaylâr, olar oñı unutmadılar. 55% Qırım işğalinen bağlı meselelerinen meraqlana. 76% Qırım Ukrainağa kirmek kerek dep saya. 60% Qırım Ukrainağa qaytacaq dep ümüt besley», – dep, Kazdobina sorav neticeleri aqqında tarif etti.

Haber etilgeni kibi, Ukraina Haber siyaseti nazirliginiñ sımarışınen «Ukrainada Qırım meselesi» soravını InMind ögrenüv kompaniyası keçirdi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG