Link açıqlığı

Saatnıñ esas haberi

Qırım Muhtar Cumhuriyetiniñ prokuraturasına devlet hainliginde şeklenilgen yigirmige yaqın insan çağırıla


Örnek resim
Örnek resim

Qırım Muhtar Cumhuriyetiniñ prokuraturası devlet hainliginde şeklenilgen 17 şahısnı çağıra. Olarnıñ cedveli mart 20-de prokuraturanıñ saytında derc etildi.

«Qayd etilgen cinaiy esnaslar çerçivesinde aytılğan şahıslarnıñ qabaatını deñiştirmege sebep olğan deliller bar, Ukraina ceza-protsessual kodeksiniñ 297-5 maddesine köre şeklenilgen Pavlenko Ya.P., Şapovalenko V.V., Akimov S.İ., Çernâk A.Yu., Şmelkov V.V., Zaharov V.R., Kolesniçenko M.P. , Lubina L.YE., Bezaziyev L.R., Mardoyan F.A., Permâkov N.P., Arjantsev İ.V., Lukaşev İ.M., Georgiadi L.F., Smolânov M.A., Avidzba A.M. ve Karakulkin A.V. isimli insanlarğa imayecilerinen beraber 23.03.2017 ve 27.03.2017 tarihleri arasında Qırım Muhtar Cumhuriyetiniñ prokuraturasına (Kyiv ş., Delovaya soq., 24, birinci qat) kelmege teklif etile», – dep aytıla haberde.

İşbu cinaiy esnaslarda qabaat senetini tizmek içün bütün deliller bar. Şeklenilgen insanlar cinaiy işlerni ögrene bile, 23.03.2017 ve 27.03.2017 tarihleri arasında QMC prokuraturasında olarnıñ kopiyalarını almaq imkânları da bar, dep bildire prokuratura.

Ukraina Ceza kodeksi 111-inci maddesiniñ 1-inci qısmındaki cinayet (devlet hainligi) on yıldan on beş yılğa qadar apis cezasınıñ berilmesini belgilemektedir.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG