Link açıqlığı

«İçeriden bir baqış»: Ukraina Çeh Cumhuriyetindeki kinofestivalinde nasıl taqdim etilecek


Örnek resim

Bu sene «Bir dünya» adlı insan aqları mevzusında vesiqalı film festivali seyircilerine ukrain olmağanlarnıñ Ukraina baqışını teklif ete. Festivalniñ dört filminden iç biri dos-doğru Ukrainadan ya da ukrain rejisserinden degil, amma olar seyircilerge Ukrainanıñ eñ ağır noqtaları olğan Qırım ve Donbassnıñ işğal etilgen topraqlarındaki vaziyetke «içeriden bir baqışnen» tanış olmağa teklif eteler.

Keçken sene «Bir dünya» festivalinde Ukrainağa ayrı bölük ayırılğan olsa, bu sene Ukraina aqqında yalıñız dört levha olacaqtır. Festivalniñ yayın müdiri Ondrjey Moravetsniñ aytqanına köre, keçken sene filmler pek keyfiyetli edi, lâkin bu sene böyle levhalar olmadı, bu sebepten de çetel vatandaşlarınıñ Ukraina aqqında noqtaiy-nazarları saylandı.

Ukrainanı çoq çıqaralar, o, olğan zıddiyetten ğayrı, memleket olaraq da meraqlı olmağa başlay

«Ukrainanı çoq çıqaralar, o, olğan zıddiyetten ğayrı, memleket olaraq da meraqlı olmağa başlay. Kinocılar ukrainlerniñ yaşayışını meraq ete ve silâlı zıddiyetniñ tesirini ögrene. Bu daa kompleksli bir meraq oldı», – dep añlata çeh kino tenqitçisi.

Festival programmasına saylanğan filmler, Ondrcey Moravetsniñ aytqanına köre, Çeh Cumhuriyetiniñ festivalini «problemge olğan gizli ya da şiddetli baqışınen» meraqlandırdı. «Devletiñni özüñ qur» filmini aytsaq, bu film bizni ayrette qaldırdı, böyle bir şey daa körmedik. Film Ukrainadan ayırılmağa qarar alğan yerli radikallarnıñ isyanı nasıl başlağanını añlata. Rejisser Entoni Batts o taqımlarnıñ şahsiyetlerini, tabiatlarını köstere, olar kamerağa açıq baqalar, biz şaştıq. Bu meselege beklenilmegen reportaj baqışı oldı», – dep ayta festival teşkilâtçılarından biri.

«Devletiñni özüñ qur» filminden bir parça

Festivalde taqdim etilgen diger film – «Bu yel toqtağan soñ» – aksine, Moravetsniñ aytqanına köre, kameralı bir baqışnı köstere, Qırım işğalinen bağlı problemlerni al etmege mecbur olğan qırımtatar qorantasına «gizli» bir baqış aks ettirile.

«Bu yel toqtağan soñ» filminden bir parça

Ondrjey Moravetsniñ aytqanına köre, o, Kyivdeki DocudaysUA ortaq festivalinde Ukraina aqqında yañı ukrain filmleri taqdim etilecegini bekley. Çeh seyircileri olarnı kelecek sene baqa bilecekler.

Radio Svoboda

Maqaleniñ asıl metni Radio Svoboda saytında

XS
SM
MD
LG