Link açıqlığı

Saatnıñ esas haberi

Qırımda jurnalistlerniñ taqip etilmesine alâqası olğanlarğa qarşı Ukrainada cinaiy işler açılacaq – Kazdobina


Uquq qorçalayıcılar, Ukraina uquq qoruyıcı organlarından, «Qırımda söz serbestligini boğğanlarnıñ» cedvelinde añılğan şahıslarğa qarşı cinaiy işler açılmasını bekley. Bunı jurnlistlerge Ukraina Haber siyaseti naziriniñ Qırım suallerinde mesleatçısı Yüliya Kazdobina bildirdi.

«Biz uquq qorçalayıcı strukturalarınen ende toplaşuv teşkil etken edik. Şimdi uquq qorçalayıcılar QMC Prakuraturasınen de çalışalar, malümat bereler, ifadelerini qaldıralar. Cinaiy işler açılacaq ve bunıñ episi taqiq etilecek. Ve jurnalistlerniñ aqlarını bozğanında qabaatlı olğanlar cezasını çekecek», – dedi Kazdobina.

O qayd etti ki, cedveldeki Rusiye vatandaşları da qarşı Ukraina tedbir ala bilecek.

«Rusiye vatandaşları içün – bu, eger de olarnıñ Ukrainada bir mülkü olsa, ya da olarnı cezalandırmağa bir çare olsa, Ukrainada yapılacaq sanktsiyalar», – qoştı Kazdobina.

Ukrainalı uquq qorçalayıcılar işğal etilgen Qırımda «söz serbestligini boğğanlarnıñ» adlarını aşkâr etti. Bu sırada Rusiyeli ve Qırımlı memurlar, silâlı hızmetler, uquq qoruyıcı ve mahkeme organlarınıñ vekilleri, Qırımdaki «samooborona» azaları, matbuat mekrezleriniñ reberleri. Episi olıp – 60 ziyade adam.

Rusiye nezaretine keçkeninen FSB yarımadada jurnalist, cemaat erbabı ve faallerde muntazam surette tintüv ve sorğular keçire. Uquq qorçalayıcılar bunı «fikir farqlığına qarşı küreş» olaraq tanıylar.

XS
SM
MD
LG