Ukrainalı uquq qoruyıcılarılar işğal etilgen Qırımda «söz serbestligini boğğanlarnıñ» adlarını aşkâr etti. Bu sırada Rusiyeli ve Qırımlı memurlar, silâlı hızmetler, uquq qoruyıcı ve mahkeme organlarınıñ vekilleri, Qırımdaki «samooborona» azaları, matbuat mekrezleriniñ reberleri. Mart 3 künü matbuat konferentsiyası devamında İnsan aqları malümat merkeziniñ idare yolbaşçısı Tatyana Peçonçik yarımadada jurnalistlerniñ taqip etilmesine alâqası olğanlarnıñ cedvelini taqdim etti.
«Al-azırda Qırımda «söz serbestligini boğğanlar» dep adlandırğanımız 60 ziyade insan cedvelimizge kirdi. Bu 60 adandan 10 kişi bu sistemanı teşkil etkenler, digerleri – icra etkenler», – dep qayd etti Tatyana Peçonçik.
Teşkilâtçılar cedvelinde bular kirdi: Kreml nezaretindeki Qırım başı Sergey Aksönov, rusiyeli İİN Qırımdaki yolbaşçısı Sergey Abisov, Rusiue nezaret komitetiniñ yolbaşçısı Aleksandr Jarov, Kreml nezaretindeki Qırım parlamentiniñ spikeri Vladimir Konstantinov, Qırımdaki taqiqat komitetiniñ reberi Mihail Nazarov, Qırımda FSB yolbaşçısı Viktor Palagin, Rusiye devlet dumasınıñ deputatı ve sabıq Qırım prokurorı Natalya Poklonskaya, Qırım malümat naziri Dmitriy Polonskiy, Qırımda «samooborona» ştabınıñ yolbaşçısı olğan Sergey Turçanenko, Rusiye Devlet Dumasınıñ deputatı ve Rusiye nezaretindeki Qırım akimiyetiniñ sabıq baş nazir muavini Mihail Şeremet.
Cedvelini izaatlap Peçonçik: «Yamanlıq adsız qalmamalı. Cinayetçiler mıtlaq yapqan areketleri içün cezasını çekmeli», – dedi.
Adlar cedvelini tizmek içün uquq qorçalayıcılar Ukraina Haber siyaseti nazirliginen beraber yarım yıldan ziyade çaıştılar.
Soñki üç yıl devamında ukrainalı uquq qorçalayıcılar zapt etilgen Qırımda 461 kere söz ve fikir serbestliginiñ bozuluvını qayd ettiler.
